تعال وجرب معنا ..نفيد ونستفيد

الســـــــــــــلام عليكـــــــــــم ورحمة الله و بركــــــــــــاتــــهـ
صـــبـــآآآآآآحكمـ قشطـــــهـ وعســــــــــــل
أخبااااااااااركم يا حلوين؟؟
ما لي في الطويله.. واسمعوني عدل...طيب؟؟
اليوم بنلعب لعبة حلوووووووه مـــــــــره
واكيد اكيد بتعجبكم
كل واحـــــــد أو وحده منا
لديه مواقف كثيره في حياته
ومنها الحزينه والمفرحه والمضحكه والمقالب ايضا
وعشان كذا قررت كل واحد يقول اقل شي موقفين من حياته او من حياة غيره
...............
طبعا احنا ما نكتب وبس
راح كل واحد يستفيد من تجارب الاخرين في حياتهم
وخلونا نشوف ابدااااااااااااااااااااآاااااااااااااعاتكم
وانا راح ابد فيها وان شاء الله تعجبكم
..........
طبعاً احنا ما لنا غنى عن تعليقاتكم وتوجيهاتكم اذا كانت فيه .......

موقف محرج ومضحك في نفس الوقت
..... لما قررنا نرجع للرياض بعد الاجازه الصيفيه
حجزنا تذاكر لطياره لكن تعرفون الخطوط السعوديه مزحومه دايم
وتاخر موعد الرحله الى اليوم الثاني
فقررنا ان نذهب الى الفندق بعد مشاورات طويله دامت2 بالكثير
ولله الحمد ابوي وافق
ودخلنا الفندق وحجزنا 3غرف
الاول لـ ابوي واخوي الكبير
والثاني:لأمي والشغاله<<خخخ اصلا امي تورطت فيها
والثالث: اكيد انا واختي..
ودخلنا الغرف
وجاني اتصال من الرسبشن ان البوفيه مفتوح ونقدر ننزل
انا نقزت وجهزت نفسي ونسيت اعلم اختي وطلعت من الغرفة وخليت بابها مفتوح
لان المفتاح مع اخوي<<من فرحته حط كل المفاتيح بجيبه ومطلع التعليقه عشان يكشخ فيها
المهم..دقيت على امي ولقيتها تصلي
ورجعت لأختي اخذها..ونزلت تحت في البوفيه
طبعا انا امشي بخفه وغير مهتمه وكانه عادي<<اتيكيت دلوخ
يوم دخلت شفت جزمه عند الباب.. استغربت قلت هذولا يفصخون نعالهم برا ولا لا؟؟
بغيت اتهور وافصخ نعالي..بس الحمدلله لحقت على عمري قبل لا اجيب العيد ولا فسخته
ودخلت داخل وشفت ابوي مدرعم قدامي..<<مدري كيف عرفني؟؟
وقال وين امك والشغاله؟؟
انا تورطت..المفروض انتظرها لين تخلص الصلاه ونروح سوى
قلت له: امي فوق تصلي..<<بابتسامه خفيفه..
قال اجل خذو عشاء واجلسوا وانا بجيب امكم.. وراح
طبعا انا شفت شي يا ليتني ما شفته.. اخوي ياشر على رجلين ابوي ويضحكـ
وانا ناظرت بسرعه وعرفت انه هو اللي مفصخ نعاله عند مدخل البوفيه..هههههههههههههههههه
كان ابو الشباب يمشي حافي طول الوقت..
اخذنا عشاء وقعدنا ندور طاوله فاضيه وجلسنا .. طول الوقت الناس يطالعوا فينا مستغربين
واناظر اخوي من الجهه الثانيه يضحك وفاطس من الضحكـ
سالت اختي وش بلاهم الناس يناظرونا كذا.. في شي غلط فينا
قالت : لا...حتى اللي جاب لنا المويه كان يبتسم وشاق حلقه مترين...
وبعد مرور ربع ساعه اكتشفت اني جالسه في مكان خاص بشباب والعوائل بالجهه المقابله..
حمر وجههي وتركت الاكل من الفشله..واختي ما همها كملت اكلها واخذ ت صحني بعد..
......................
طبعا صار مواقف اكثر بالفندق.......ما خلينا شي الا وسويناه
فحطنا بالممرات وتسابقنا بين الغرف...
وكان اخرها لما طلبت طلب اخر الليل لاني جوعانه ما اكلت شي
لما جيت اخذ الطلب شفت القرسون شكله فلبيني.. واصلع..وسويت نفسي اتكلم انقليزي معه..
وقعدت ابربر فوق راسه..في الاخير قال لي: افندم<<باللهجه المصريه>>
عاد انا تمنيت الارض تنشق وتبلعني ولا قعدت ابربر واخرط على المصري.. وعطيته الفلوس وقلت الباقي لكـ
وصكيت الباب بسرعه من قوتة الاحراج...ومت بعدها من اضحكـ..
... وحلفت بعدها ما اتفلسف على احد ابد...
هههههههههههههههههههههههههههههههههههههههههههههه
....................

» معك بلاك بيري وبطاريته تفضيء بسرعه .. تعال شرفنآ ..